Vegarrionda - Peñasanta Castiella (N'AST)

Rutas y actividades en Picos de Europa y entorno. Sólo actividades. Para preguntas e información, dirigirse al foro general "PICOS DE EUROPA".
Reglas del Foro
Este foro, es exclusivo para publicar reportajes. Para hacer preguntas o informar sobre el tema, utilice el foro general "Picos de Europa".
No se admiten actividades que sean un link a otra dirección distinta a Foropicos o Picoseuropa, a menos que sean un complemento del publicado aquí (y no al revés).
Aquí tiene las normativas generales. Por favor, respételas y entre todos conseguiremos un foro mejor organizado. Muchas gracias.
Avatar de Usuario
Berto_astur
Mensajes: 279
Registrado: Mar May 11, 2010 9:08 am
Ubicación: Xixón
Contactar:

Vegarrionda - Peñasanta Castiella (N'AST)

Mensaje por Berto_astur » Jue Oct 07, 2010 11:11 am

29 d'Agostu de 2010

Tol resumen, sensaciones, mapa, 3D y track tan nel mio blog: Camudando'l Camín

Dicía'l día anterior (sábadu), qu'otru retu que dexaba na mio mente, yera Peñasanta Castiella, ya'l nuesu plan anicial yera facelu'l domingu, pero como na montaña nunca se pue dar nenguna cosa por fecha, nun quería albidrar esperances. Asína pues, alborecemos nel refuxu de Vegarrionda nel conceyu de Cangues d'Onís (al cual podemos aportar d'esti xeitu: Pandecarme (Cangues d'Onís) - Vegarrionda), con un día meyor inclusu que'l día anterior nel qu'algamáremos la Peñasanta d'Enol col compangu de les Torres de la H.orcada y d'Enmediu: Vegarrionda (Cangues d'Onís) - Peñasanta d'Enol - T. H.orcada - T.Enmediu
ImagenImagen
Dos personaxes a l'ascensión de Peñasanta Castiella
Asína pues, un bon desayunu nel refuxu, y garramos lo necesariu pa l'ascensión. Esta vegada nun mos llevamos a naide, ye una ascensión que práuticamente roza la escalada, poro camiento que cola responsabilidá de xubir nós mesmos teníemos abondo, jeje.

Sin danos casi cuenta, ya pasáremos el refuxu vieyu de Vegarrionda y dimos bona cuenta de la llampa cimera, hasta garrar el cruce, y nesti casu, tomamos el camín de la manzorga, p'aportar al colláu la Fragua nuna hora esáuta (1915 ms).

D'equí siguimos ganando altor poles Cuestes de H.ou Sin Tierra, abandonando la compaña de la trave de los Argaos, y baxaremos dempués un pelín hacia'l H.ou de los Asturianos onde nos alcontramos con una pareya de montañeros (madre y fiu) que xubieron la tarde anterior a la peñasanta y pasaren la nueche de vivac, pasando un fríu perimportante.
ImagenImagen
A puntu d'aportar al colláu H.usantu, Fernan pensando en güei, y yo inda n'ayeri
Dempués d'un ratín charrando so l'ascensión pela canal estrecha, siguimos ganando altor hacia'l colláu H.usantu, demientres voi camentando na montañera qu'acabábemos de dexar. Ya tenía los sos años, y por mil hestories que tenemos na vida, esta gran montaña se-y quedara ensín facer, diciéndonos: "Quien diba decime que la fadría col mio fiu". Ye un aliendu pa mi, ver a montañeros d'edá avanzada esfrutando de cada ruta como un mozu de venti años, ya que siempre tengo presente que quiciás entamé tarde nesti deporte.

Siguiendo en ruta, daremos pasu pel colláu H.usantu y xubiremos unos metrinos más hasta parar nel colláu de la Canal Parda (2115 ms) onde tomaremos dalgo de fuercies bebiendo y xintando daqué, ya que ya yeren dos hores y media caleyando. Equí tendremos unes grandioses vistes, ya sea mirando pal Boquete y los Urrieles, pa les cotes feches nel día anterior (Peñasanta d'Enol y torres de la H.orcada y d'Enmediu), otres que nos piquen enforma (Torres del Torcu y les Tres Maríes), otres feches con anterioridá (Canal Parda y Traviesos) o la que mos ocupa y preocupa, Peñasanta de Castiella.
Imagen
Agüeyando'l ñeveru de la Forcadona
Darréu entraremos nun terrén pelín complexu, ya que siguir los dixebraos h.itos, ye una xera abegosa, por mor, de la cantidá de piedres afilaes, pequeños h.oos, etc... que tenemos que bordiar, xubir, baxar, pa nun perder altor col H.ou Santu. Nun tengo mui nidiu si la meyor opción pa ganar la bas de Peñasanta y l'entamu de la Canal Estrecha, ye perdese nesti llaberintu o baxar al H.ou Santu y dempués xubir direutamente.

Casi un hora colócanos no que camentamos como entamu de la canal estrecha, anque dempués na baxada diéranos cuenta de que nun yera asína. De toes formes, xubimos trepando unes llambries y metémonos a cuchillu na propia canal estrecha, que como'l so nome amuesa, faenos tar tol tiempu rozando la mochila coles parés.
Imagen
Imagen
Primeres trepaes pela canal estrecha
Sincéramente, nesta chimenea, en tou momentu pasélu como un guah.e, y trepé divirtiéndome al másimu, en cada pasu, agarre, descansu, etc... Tou yera positivu pa mi, normal toi engancháu a la escalada a más non poder y quiciás estes ascensiones que supero con tanta facilidá, danme un plus de tranquilidá, que non tengo cuando la cosa tórnase aérea.
Imagen
Fernan amosándome'l camín
D'ehí qu'esmoleciéseme más, los pasos aéreos de la parte cimera de Peñasanta, que tolos pasos complicaos de trepar (casi esguilar en dalgunos), de la so chimenea. Poro, nun pueu ser mui oxetivu na canal estrecha, dándo-y dificultá, anque si tengo que dicir dalgo, ye qu'hai que tener curiáu colos descansos ente pasu y pasu, ya que tan estraos de piedra suelto y el peligru ye esáutamente esi. Facer un pasu complexu de trepada y al finalu, relaxase y tocar dalguna piedra suelta, tirándo-yla al d'abaxo. Munchísimu procuru con esto, y cola roca que ta dalgo nidia de xubir y baxar tanta xente, colo que los agarres hai que facelos con xeitu.
Imagen
Últimes y mui prestoses trepaes
Unos 45 minutinos daben con nós, no que nomé como'l colláu de la Canal Estrecha (2503 ms), por poné-y un nome, ya que darréu vien otra parte de l'ascensión mui distinta de la canal dafechu. Menos de cien metros d'altor resten por xubir, pero les precauciones tienen que ser les mesmes, ya qu'esta parte será aérea enforma y hai qu'andar con güeyu.
Imagen
La semeya más acoyonante que me ficieron nunca. Cual ye'l nome de la Aguh.a de detrás??
Quiciás el pasu aéreu, más acoyonante ye'l de la semeya, na que ciertamente, val más tar sollerte a la llambria que tamos pasando que distraese mirando'l paisaxe que tenemos embaxo, jeje. Sacante d'esto, diremos arrodiando'l cumal pola so manzorga, siguiendo les marques marielles qu'hai nes parés, pa nun metenos nun marrón de nenguna clas y taremos nel cumal de la montaña más completa, guapa y difícil na que tuve pel momentu, tras menos de 4 hores y media.
Imagen
Nel cumal de Peñasanta Castiella (2598 ms)
Por dalgo nómenla la reina de Picos, y ye que tien vistes de valir alloriante, miremos pa onde miremos. En sí, ella mesma, ye una montaña de les guapes ya impresionantes que podemos tener enfrente, y l'ascensión ye un retu pa cualquier montañeru, metiéndonos de la montaña típica de trepaes a un grau superior de montaña qu'en dalgún pasu t'esprime sinun tas d'esguilar y per últimu como a mí préstame, enriba tou la cume ye amplia (tien vivacs y tou), y se pue tar ellí, ensín priesa, dexándote esnalar al traviés d'un mundiu nel que namái te pue tresportar, .... un cumal de Picos.
Imagen
Imagen
Semeyes dende'l cumal: Urrieles y Cornión asturianu
Equí tengo que cuntar que Fernan, al facer cume, díxome que dábame l'alternativa, jeje. Cosa que nun creo cierta, ya qu'inda queda-y muncho por enseñame y yo por deprender. Anque, dende equí, dígote que más difícil que la Peñasanta hemos de xubir, y que por supuestu si tengo que dir guiando diré, pero camiento que tornarás esti añu a proponer tu retos que nun m'atreva yo a tirá-yos. Y ye que fai casi un añu, que conocémonos y la cantidá de rutes que ficimos nesti tiempu, y siempre xubiendo'l mio nivel poquín a pocu ye increible. Asína que pal añu que vien más y meyor que de xuru que ye posible.

Dempués d'estes reflesiones toca ya, pensar na baxada, asína que xintamos dalgo qu'apaeció dempués d'un finde enteru pola mochila, y pusímonos a baxar, hasta'l colláu onde entama la canal estrecha, xubiendo'l nivel d'atención poquín a pocu, y ye que nun ye estrañu que los acidentes más graves sean nes baxaes, poro hai qu'andar sollerte.

Nós, viendo l'estáu de la canal, preferimos tirar de rapel, que destrepala, por comodidá, seguridá y rapidez, y ye qu'unos mínimos d'esguilar y téuniques de rapel pa esta montaña son pernecesarios, ya que con mui puquiñín esfuerzu, en 3 o 4 rápeles taremos na bas de Peñasanta, con toa la tranquilidá del mundiu, y divirtiéndonos nes maniobres.

ImagenImagen
ImagenImagen
Varies semeyes de los rápeles de descensu
Ya abaxo d'esta montaña, entames a pensar no solos que ficimos tola ascensión, alcontrándonos nel nuesu camín a un paisanu de la qu'entamábemos la canal estrecha na xubida, y nel cumal de la que baxábemos a un grupu de mozos, que viéramos ya nel refuxu la nueche anterior. Así que tuvimos una totalmente apacible y pocu peligrosa ascensión, tolo contrariu d'un mozu castellanu que la selmana anterior perdiera la vida nesa mesma canal pol argayu d'una peña. A pesar de les sos contraries idegues a les míes, dende esti blog mi más sinceru pésame pa la familia y los collacios.
Imagen
Acolumbrando'l Boquete con Piedras Lluengas enriba
Magar de tar embaxo, quedábanos tan solu dar la vuelta pel mesmu sitiu hasta'l Refuxu de Vegarrionda, dando preste a una ruta-ascensión na que tardamos 9 hores y 20 minutos, percorriendo 15 kms de distancia y superando 1380 ms d'altor acumuláu.
"Hai munches xentes que son forasteres nel so propiu país porque nunca s'ocuparon de conocelu" Xovellanos

http://camudandolcamin.blogspot.com/

manolitogafotas
Mensajes: 52
Registrado: Lun Oct 26, 2009 12:34 pm

Re: Vegarrionda - Peñasanta Castiella (N'AST)

Mensaje por manolitogafotas » Jue Oct 07, 2010 12:24 pm

!Norabuena por facer La Peña¡.Muy guapos los dos dias de monte.

Avatar de Usuario
Carlitos
Mensajes: 2862
Registrado: Mié May 21, 2008 6:09 pm

Re: Vegarrionda - Peñasanta Castiella (N'AST)

Mensaje por Carlitos » Jue Oct 07, 2010 1:33 pm

Enhorabuena Berto y compañia,a ver si el verano que viene te emulo... kk2:)
¿y el casco? kk33 ...andestá.
Saludos

Avatar de Usuario
Berto_astur
Mensajes: 279
Registrado: Mar May 11, 2010 9:08 am
Ubicación: Xixón
Contactar:

Re: Vegarrionda - Peñasanta Castiella (N'AST)

Mensaje por Berto_astur » Jue Oct 07, 2010 2:03 pm

Mil gracies a los dos.

Lo del cascu, pues ties razón,... (:) jeje
"Hai munches xentes que son forasteres nel so propiu país porque nunca s'ocuparon de conocelu" Xovellanos

http://camudandolcamin.blogspot.com/

charuman
Mensajes: 284
Registrado: Mar Jul 06, 2010 7:29 am

Re: Vegarrionda - Peñasanta Castiella (N'AST)

Mensaje por charuman » Jue Oct 07, 2010 2:10 pm

Bonitas fotos y felicidades por haber hollado la montaña mas hermosa de España (vajo mi punto de vista).
Lo que si te agradeceria es que redactases en castellano, ya que no hablo el asturiano y no comprendo tus explicaciones.
Salute.

amable
Mensajes: 512
Registrado: Lun Feb 14, 2005 11:09 pm

Re: Vegarrionda - Peñasanta Castiella (N'AST)

Mensaje por amable » Jue Oct 07, 2010 3:28 pm

Las fotografías: muy bonitas.
El texto : No se entiende nada bien, creo que no es castellano. Es una pena que por utilizar otro dialecto o lengua, no llegue nítido, lo que parece ser un gran reportaje, a todo el universo de lectores de este foro. A no ser que lo que se pretenda sea precisamente, seleccionar el lector.

Marian
Mensajes: 105
Registrado: Lun Jul 06, 2009 7:25 pm

Re: Vegarrionda - Peñasanta Castiella (N'AST)

Mensaje por Marian » Jue Oct 07, 2010 4:11 pm

Estoy totalmente de acuerdo con Amable, paso de leerlo, y es una pena porque no todos los dias vemos a la reina en reportaje, pero efectivamente las fotos muy bonitas.
MARIAN

Responder

Volver a “REPORTAJES DE ACTIVIDADES EN PICOS”